Prej vitesh çifti i këngëtarëve Vesa Luma dhe Big Basta kanë ndërtuar jetën e tyre në Zelandën e Re. Ata herë pas here tregojnë përmes rrjeteve sociale përditshmërinë e tyre dhe të vogëlushit Lian.

Ata kujdesen që djali i tyre të mos e harrojë shqipen, por një gjë të tillë e bëjnë dhe mësueset e Lian. Vetë Vesa ka treguar se mësueset e kopshtit e përshëndesin në shqip Lianin sa herë që hyn brenda dhe në po të njëjtën mënyrë edhe në një përmbledhje që ato kanë shkruar për vogëlushin.

“E adhuroj mënyrën se si fëmijët inkurajohen të flasin gjuhën e nënës. Çdo ditë që Liani hyn në kopësht, të gjitha mësueset e përshëndesin në shqip”, ka shkruar Vesa.

Këngëtarja ka publikuar herë pas here video të djalit të saj duke folur shqip, për të dëshmuar se ata do të jenë gjithmonë krenar për origjinën e tyre kudo që të jenë.