Gjykata greke ka vendosur paraditen e së hënës, të dëmshpërblejë me 410.000 euro familjen e Nikolla Todit, 25 vjeçarit shqiptar i ekzekutuar në 16 shkurt 2010 prej plumbave të policisë greke, gjatë një përballje të armatosur mes policisë e një bande grabitësish në ”Masakrën e Vironas” në Attiki të Athinës

25 vjeçari, në vitin 2010 babai i një fëmije vetëm 2 vjeç, ndaloi automjetin para një depo për të marrë vegla hidraulike. Ngjitur ndaloi dhe automjeti i Marjan Kolës dhe bashkëpunëtorit të tij që e ndiqnin 22 policë grekë. Dy të kërkuarit u larguan me vrap nëpër rrugica duke qëlluar me armë dhe 3 bomba drejt policëve grekë. Si kundërpërgjjgje policët grekë qëllonin në drejtim të shqiptarëve. Todi ishte fshehur pas makinës furgon, ndërsa u përpoq të largohej me vrap drejt hyrjes së një pallati për të shpëtuar nga sulmi. Gjatë përpjekjes për të shpëtuar mori 9 plumba, 4 nga të cilët u vërtetua se ishin të policisë greke.

Drejtësia penale dënoi për ngjarjen 2 policë me 1 vit burgosje për vrasje nga pakujdesia. Bashkëshortje atëherë e papunë e Todit me një djalë 2 vjeç kërkuan dëshmpërblim nga drejtësia greke për shkak të humbjes së mbështetjes financiare.

Dy avokatët e familjes, M.Dhimitrakopulos dhe Kiriaki Makri deklaruan pas vendimit të drejtë se “Pas 10 vjetësh Gjykata Penale dhe Administrative vendosën drejtësi! Bëjmë thirrje publike Këshillit Ligjor të Shtetit dhe ministrit kompetent të mos urdhërojnë deklaratë anulimi, që rezulton në vonesën për dëmshpërblimin ndaj familjes së viktimës. Kemi mjaft raste precedentë në Greqi ku shteti tregoi sensibilizimin e duhur para tragjedive të tilla!”