Këngëtarja shqiptare me famë botërore Dua Lipa vjen në bashkëpunim me artisten amerikane Miley Cyrus.

Artistet kanë publikuar këngën “Prisoners” që është pjesë e albumit të ri të Miley “Plastic Hearts” që pritet të publikohet më 27 nëntor.

Kujtojmë që vetë Dua më 27 nëntor do të mbajë një koncert virtual për të qenë më pranë fansave të saj.

Ajo do të interpretojë live ndërsa ky “koncert” do të titullohet “Studio 2054”. Pritet që ajo t’i ndërrojë kostumet dhe skenat ku do të performojë. Gjatë performancave Dua do të shoqërohet nga disa muzikantë, balerinë, akrobatë të ndryshëm, dhe të ftuar specialë, identiteti i të cilëve po mbahet i fshehtë.