Ndërsa një Tokio me 19 mln banorë shënon 100 raste të reja në ditë dhe një Hiroshimë me mbi 10 mln banorë shënon më pak se 10 raste të reja, është realiteti që vjen nga Japonia. Nuk ka mbyllje, nuk ka kufizime, nuk ka institucione dhe biznese të mbyllyra. Matilda Koçi, tregon se stadiumet janë hapur, kinematë dhe teatrot. Shkollat dhe parqet nuk u mbyllën asnjë ditë. Sigurisht trasnporti nuk ndali asnjë orë.

Familjet u mbështetën për 2 muaj rresht me nga 1000 $ për frymë. Bizneseve të shërbimit iu janë paguar qeratë nga shteti deri në muajin dhjetor si edhe fondi i pagave për punonjëist. Edhe pse puna nuk ka ndalur në asnjë ditë. Familjet nëse zgjedhin të hanë në restorant subvensionohen me të paktën 20% të vlerës së shpenzimeve. Ndërsa  nëse zgjedhin të dalin nga qyteti i tyre dhe të zhvillojnë turizëm të brendshëm, subvencionohen deri në 50%.

Numri i të prekurve është shumë i ulët. Ndërsa qytetarët që kanë humbur jetën për shkak të covid -19, janë të moshuar mbi 95 vjeç dhe kryesisht nga shtëpitë e kujdesit të të moshuarve. Ndërsa qytetarë që kanë humbur jetën vetëm për shkak të COVID – 19, deri më tani, Japonia nuk shënon asnjë rast. / Apel Media