Ministri i Jashtëm italian Luigi di Maio ka zhvilluar një vizitë zyrtare në Shqipëri ku është takuar me kryeministrin Edi Rama.

Ai vlerësoi qëndrueshmërinë e raporteve mes dy vendeve. Di Maio bëri me dije nënshkrimin e një deklarate të përbashkët për ngritjen e një komisioni ekonomik nga të dy vendet për bashkëpunim tregtar dhe investime.

“Sot kam pasur një takim shumë të përzemërt dhe konstruktiv me mikun dhe kryeministrin Edi Rama me të cilin kemi një marrëdhënie të qëndrueshme. Vitin e kaluar kam qenë në Tiranë menjëherë pas tërmetit për të ofruar mbështetjen e Italisë. Në atë moment nuk do të kishim imagjinuar dot se në muajt në vijim një tragjedi do godiste dy vendet tona dhe botën mbarë. Lufta kundër COVID-19 që kërkon një sforcim të përbashkët konfirmoi edhe njëherë se e sa e fortë është miqësia mes Italisë dhe Shqipërisë”, tha di Maio.

“Sot kemi folur me ministrin dhe për temën e rëndësishme të bashkëpunimi. 10 vjet si këtë vit është nënshkruar deklarata e partneritetit strategjik. Duam ta institucionalizojmë më tej këtë partneritet në funksion të dialogut dhe temave të posaçme. Tema për të cilën do të angazhohemi menjëherë është tema e partneritetit në lidhje me planin e investimeve për Ballkanin, i cili ka tre shtylla kryesore, transport dhe infrastrukturë, energji dhe dixhitalizim. Në dy shtyllat e para Italia ka ekspertizën e çmuar në arenën ndërkombëtare dhe ka dhe vullnetin për të qenë pranë nesh”, u shpreh kryeministri Edi Rama.

Të dy bashkëbiseduesit vlerësuarn marrëdhëniet e mira që ekzistojnë mes dy vendeve.