Tre gra, personalitete të Kosovës janë nominuar për çmimin “2020 Gilder/Coigney International Theatre Award”. Ky çmimi ndahet një herë në tre vjet nga Liga e Grave Profesioniste të Teatrit dhe njeh kontributin e grave në botën e Teatrit.
Aktoret Ilire Vinca, Zana Hoxha dhe regjisorja Burbuqe Berisha kanë futur kështu Kosovën në hartën e shteteve ku gratë ia dalin të jenë të zonja në profesion. Ilire Vinca nominohet për herë të dytë për këtë çmim.
Lajmi bëhet i ditur nga Zana Hoxha.
“Së bashku me Aktoren Ilire Vinca dhe regjisoren Burbuqe Berisha unë jam renditur në mesin e 27 grave të 18 vendeve të botës si të nominuara për çmimin prestigjioz që njeh kontributin e grave në botën e teatrit. Ilirja për herë të dytë ndërsa unë dhe Buqja për të parën, e kemi futur Kosovën në hartën e shteteve, ku gratë ia dalin të jenë profesioniste të zonja, edukuese përmes artit e edhe frymëzuese për gjeneratat e reja.
Të tria jemi pjesë e listës së të nominuarave për “2020 Gilder/Coigney International Theatre Award” që ndahet një herë në tre vjet nga “The League of Professional Theatre ëoman” (Liga e Grave Profesioniste të Teatrit).”, shkruan ajo.