Përmirësimi i situatës në Gjenevë do të sjellë dhe lehtësimet e para të masave këtë fundjavë. Prej 21 nëntorit, parukeritë, sallonet e terapisë dhe qendrat e masazheve e fizioterapisë mund të rihapen dhe njoftimi është bërë nga qeveria e kantonit të Gjenevës.

“Situata po përmirësohet. Por në mënyrë që të mos prishim atë që kemi arritur në javët e fundit, ne po ecim përpara, gradualisht”, ka thënë këshilltari i Shtetit, Mauro Poggia sot për mediat.

Trajnerët sportivë mund të stërvisin në grupe deri në katër personaopr palestrat do të qëndrojnë të mbyllura përveç aktiviteteve që janë miratuar më herët.

Megjithatë pavarësisht këtij përmirësimi të lehtë sistemi shëndetësor në Gjenevë vijon të jetë në tension. Vetëm të martën (17 nëntor) në spitale janë shtruar 606 persona me COVID-19 80 prej të cilëve në terapi intensive.

Një argument i dhënë nga qeveria kantonale e Gjenevës është edhe mundësia për dyqanet dhe restorantet për t’u hapur para Krishtlindjeve.