Media prestigjioze italiane “La Repubblica” i ka kushtuar një artikull të veçantë librit të autorit shqiptar Ardian Vehbiu, “Cose portate dal mare” (Gjëra të sjella nga deti).

Për “La Repubblica” ky libër zbulon Italinë në ato vite kur Shqipëria ishte ende e mbyllur në komunizëm, e përmes frekuencave të radios, erës dhe detit merrnin të dhënë nga një botë tjetër, një botë që quhej Itali.

ARTIKULLI I LA REPUBBLICA-s

“Gjëra të sjella nga deti” nuk është vetëm një ese mbi realitetin e Shqipërisë para rënies së regjimit, është një biletë udhëtimi nga Italia në ato brigje në valën e dëshirave tona dhe të tyret.

Autori i saj Ardian Vehbiu (Tiranë 1959) është rritur në Shqipërinë komuniste, një zonë e errët në hartën e Europës, një vend klaustrofobik plot bunkerë ku të gjithë jetonin nën terrorin e një pushtimi të huaj.

E megjithatë në atë tokë të zënë nën vetvete mbërrinin sinjalet nga jashtë: gjëra të mbartura nga era dhe deti, të dhëna për një botë tjetër.

Ajo botë u quajt Itali dhe hyri në shtëpitë shqiptare përmes valëve të radios dhe televizionit, frekuencave të vjedhura të radios që shënonin konturet e një bote të dëshirushme, pa dyshim të rreme, por kush mund ta imagjinonte?

“Gjërat e sjella nga deti” dhe historia se si të tjerët na kanë vëzhguar, na kanë pasur zili dhe na kanë dëshiruar. Një pasqyrë e përmbysur që na bën të kuptojmë shumë edhe për veten tonë.