16Sazan Dine, djali i ish kryeministrit Fiqiri Dine mbylli sytë më 13 nëntor 2020 bën të ditur
Federata Panshqiptare e Amerikës VATRA.

Sazani u lind në vitin 1937 në Dibër. Jeta e tij, ashtu si e të gjithë familjes së madhe Dine të Dibrës, ishte një kalvar vuajtjesh nëpër burgje dhe kampet e internimit.

Sazani i provoi të gjithë kampet e internimit që nga Berati, kampi i tmerrshëm në Turhan-Tepelënë, Portopalermo, Plug, Savër, duke përfunduar në Gjazë. Ishte një burrë me karakter që nuk u përul para vuajtjeve dhe provokimeve.

Në vitet ’90-91 Sazani emigroi në Greqi, për të arritur pas një viti në Shtetet e Bashkuara të Amerikës. Ai la pas bashkëshorten Veronika, e bija e Hasan Dostit, katër djem të martuar; Skënderin, Paridin, Olgerin dhe Ermanin

Ngushëllimet për familjarët janë përcjellë në Xhaminë shqiptare në Garfield, New Jersey.