Rritja shpejtë e rasteve me Covid-19 në qytetin e dytë më të madh të Greqisë, në Selanik, e shtyu qeverinë e vendit fqinj, të marrë masa të shpejta për të shmangur një tragjedi të mundshme.

Covid – 19 po përhapet me shpejtësi, sidomos në Selanik, qytet ku jetojnë dhe shumë shqiptarë.

Instituti Kombëtar i Shëndetit Publik ka shpallur udhëzimet e reja për identifikimin e të prekurve nga koronavirusi dhe mënyrën e trajtimit në karantinë.

Daphne Katsiba, presidente e Shoqatës së Mjekëve Spitalorë të Selanikut, tha në daljen e saj të fundit në media se qyteti është në një gjendje lufte.

“Rastet që kanë nevojë për shtrim në spital po rriten vazhdimisht, duke ccuar edhe në rritjen e pacientëve që kanë nevojë për trajtim intensiv,” tha Katsiba për “MEGA TV”.

“Fatkeqësisht, nuk ka mjaftueshëm shtretër të kujdesit intensiv dhe as shtretër të thjeshtë për të mbuluar të gjitha nevojat. Ka mbipopullim dhe shtretërit nuk janë të mjaftueshëm,” shtoi ajo.