Eksperti i informatikës dhe mësuesi shqiptar me banim në Parma të Italisë, Durim Lika do të japë mësime falas online lidhur me programimin e dhe zhvillimin e mësimit online në dobi të mësuesve të Diasporës.
Takimi online “Mjetet teknike për programimin dhe zhvillimin e mësimit online për Mësuesit e Diasporës” mbahet sot më 11 nëntor të vitit 2020 në orën 20:00.
Durim Lika është gjithashtu drejtor i shkollës shqipe Scanderbeg. Shkolla shqipe në Parma ka hyrë në vitin e XII-të të saj në ruajtjen dhe trashëgiminë e gjuhës dhe kulturës shqiptare. Është një projekt madhor ku kanë kontribuar dhe kontribuojnë pa ndërprerje shumë mësues, aktivistë, prindër dhe nxënës.
Në situatën e vështirë të Covid-19 që po kalon bota, përfshirë edhe Diaspora, mësimi online është pothuajse e vetmja rrugë.
Durim Lika për t’i ardhur në ndihmë mësueseve të Diasporës, ka bërë një përmbledhje për materialet didaktike që u shërbejnë kolegëve për mësimin online.
-Abetare e përbashkët Shqipëri-Kosovë.
-Fletorja e Punës
-Platforma e mësimdhënies Schoolme, ofruar falas nga Qendra e Botimeve për Diasporën
-Doracakët e Kosovës
Një përmbledhje e mrekullueshme në formatin elektronik .pdf të librave që ju shërbejnë për mësimdhënie, të ndara në tre nivele, botime të Ministrisë së Arsimit të Kosovës.
-Kurrikula e mësimit plotësues të Gjuhës Shqipe dhe të Kulturës Shqiptare në Diasporë.
-Fjalorët pamorë në nëntë gjuhë:
Punim i Qendrës së Botimeve për Diasporën
Shqip – Italisht
Shqip – Anglisht
Shqip – Gjermanisht
Shqip – Frëngjisht
Shqip – Greqisht
Shqip – Turqisht
Shqip – Ukrainisht
Shqip- Spanjisht
Shqip – Kroatisht
-Klasikët e përrallave ndërkombëtare në dy gjuhë
-Gramatika e Gjuhës Shqipe nga Akademia e Shkencave të Shqipërisë me dy vëllime, Rregullat e Pikësimit dhe shumë materiale të tjera
-Drejtshkrimi i Gjuhës Shqipe
-Material didaktik Alfabeti shqip 60 cm x 98 cm për tabela vertikale.
-Alfabeti i gjuhës shqipe me shkronja shtypi dhe dore, dhuratë nga grupi.
