Një forum i organizuar nga Fondi Shqiptar për Zhvillimin e Diasporës do të bëj bashkë në një takim të rinjtë shqiptarë në Diasporë. Takimi do të zhvillohet virtualisht për shkak të kushteve të krijuara nga COVID-19. Synimi i tij është të krijojë një urë komunikimi me të rinjtë shqiptarë në Diasporë. Me qëllim afrimin më pranë Shqipërisë. FSHZHD i fton të gjithë ata që kanë dëshirë të bëhen pjesëmarrës në forumin virtual “Kontributi i të Rinjve Shqiptarë në Diasporë”. Forumi do të zhvillohet nesër më datë 12 nëntor 2020 në orën 14:00.
Nëpërmjet këtij forumi synohet krijimi i një ure komunikimi midis të rinjve shqiptarë, si dhe krijimi i një metodologjie bashkëpunimi bazuar në idetë dhe praktikat më të mira të fituara në Diasporë.
Në këtë event, të gjithë pjesëmarrësit do të kenë mundësinë të ndajnë eksperiencat e formimit akademik, praktikat e formimit profesional të fituara, sugjerimet e tyre në lidhje me mënyrat e përfshirjes përmes kontributit të tyre në zhvillimin socio-ekonomik të vendit të origjinës dhe vazhdimësisë së marrëdhënieve të bashkëpunimit midis të rinjve shqiptarë në Diasporë dhe të rinjve në Shqipëri. Për të marrë pjesë mund të regjistroheni duke klikuar këtu.
