Të gjithë shtetasit shqiptarë që janë persona me banim të përhershëm në Greqi të cilët do të udhëtojnë në rrugë tokësore apo ajrore në vende të tjera nga data 10 nëntor 2020 duhet të plotësojnë formularin elektronik PLF (Formular i Vendodhjes së Pasagjerit). Ky formular përmban detaje të kontaktit të tyre në Greqi përpara nisjes nga vendi dhe të paraqesin provën e plotësimit të tij- kodin QR- i cili vjen automatiksht në e-mailin tuaj, në pikën e kalimit kufitar.

Ambasada Shqiptare në Greqi në një njoftim zyrtar lajmëron të gjithë shtetasit shqiptarë, me qëndrim të përhershëm në Greqi, të cilët planifikojnë të udhëtojnë për në Shqipëri, se kjo masë është kusht për kalimin për në atdhe.

Rregullorja e re vjen pas vendimit të Qeverisë së Republikës së Greqisë, datë 6 nëntor 2020, mbi masat kufizuese për parandalimin e përhapjes se Covid-19.