Kompania Shqiptare “Protect Dismantling” e njëjta kompani që kontribuoi për projektin e Nëna Terezës, të vendosur në Brooklyn, New York, me pronarë dy djem nga Dibra e Madhe në SHBA, Belul Qoku dhe Murat Marke, kanë gjetur mënyrën e tyre origjinale për të treguar krenarinë shqiptare në rrugët e New York-ut në çdo përvjetor të Pavarësisë së Shqipërisë.

Si dhe shihet edhe në këtë fotografi kamionat janë të lyer në bojë kuq, ndërsa mbi kapakun e madh të mbulesës së motorit të këtyre kamionëve është vendosur një shqiponjë e zezë e madhe sa e gjithë pjesa e përparme e motorit të kamionit.

Kamionat me ngjyrë të kuqe me një shqiponjë të zezë, e madhe sa e gjithë mbulesa e kamionit, kanë nisur mbarë muajin e Nëntorit të pavarësisë së Shqipërisë nëpër rrugët e New York-ut, duke i rënë bories dhe lajmëruar amerikanët, se shqiptarët këtë muaj kanë festë, është Nëntori Kuq e zi, 28 Nëntori i Shpalljes së Pavarësisë së Shqipërisë.

Kompania Shqiptare “Protect Dismantling” i ka të gjithë kamionat e biznesit të tyre, të lyer krejt me ngjyrat e flamurit tonë kombëtar, flamurin kuq e zi dhe në mes të tyre kanë vendosur shqiponjën e zezë me dy krena, si dhe në zyrat e saj sot kudo është vendosur flamuri kuq e zi.

Ato janë disa kamiona të peshave të rënda, që pothuajse na bie rasti ti shikojmë gati çdo ditë pune në rrugët e Brooklinit dhe qyteteve të tjera të New York-ut, të lëvizin lirshëm nëpër kantjere ndërtimi.

Nga Beqir Sina