Komuniteti Shqiptar i Selanikut ka botuar numrin e tretë të revistës Kulturore “Voice of Diaspora Selanik” (Zëri i Diasporës në Selanik) në shqip dhe greqisht.

Në numrin e 3-të të Revistës Kulturore dy gjuhëshe “Voice of Diaspora Selanik” botohen shkrime dhe poezi të autorëve nga Komuniteti Shqiptar i Selanikut.

Qëllimi i kësaj reviste është të pasqyrojë shpirtin kulturor të shqiptarëve në Selanik që janë integruar mjaft mirë në shoqëri.

“Ne nuk besojmë se arti i të shkruarit dhe poezia në veçanti i përket vetëm një shtrese të caktuar njerëzish. Sepse rrëfimi gojor dhe poezia gojore kanë lindur dhe zhvilluar para se njerëzimi të ndahej në shtresa shoqërore. Poezitë e paraqitur në ketë revistë dëshmojnë më së mirë  këtë, se arti është si ajri dhe drita, kudo. Thjesht duhet të “hapim skutat” e shpirtit njerëzor dhe të jeni të sigurt se prej andej do burojë frymë e ndiçme për një shoqëri më të mirë e më të bukur.”, shkruhet në faqen zyrtare të Komunitetit Shqiptar në Selanik.