Haxhi Dauti, president i Këshillit Shqiptaro-Amerikan, me seli në New York, vazhdon të jetë i pranishëm në vendlindje me kontributin e tij humanitar.

Përfaqësuesit e  këtij këshilli kanë dorëzuar ndihma ushqimore në disa bashki të vendit si Pogradec, Krujë, Lezhë, Fushë Arrëz, Memaliaj, Polican, Ura Vajgurore, Ersekë, për të ndihmuar familjet në nevojë, duke iu përgjigjur vështirësive të krijuara gjatë pandemisë.

Haxhi Dauti tha se preferon që gjestet e tij humanitare tí bëjë pa shumë zhurmë dhe publicitet.  Dauti ka dërguar ndihma në vendlidnje që në fillim të viteve ’90 kur vendi përballej me kriza të mëdha.

Ai është shprehur se Këshilli Shqiptaro-Amerikan brenda mundësive do të vazhdojë t’ju përgjigjet kërkesave për ndihmë për këto kategori familjesh e personash edhe në të ardhmen.