Një  14-vjeçar shqiptar ka pësuar dëmtime gjatë tërmetit të fuqishëm që goditi ishullin Samos në Greqi këtë të premte. Djali me inicialet E.M., nga Fieri, raportohet se ka goditje në kokë, krah të thyer dhe dëmtime në këmbë.

Gazeta “Diaspora Shqiptare” ka mësuar se djali është transportuar rreth orës 15:00 me helikopter drejt Athinës.

14 vjeçari ishte duke u kthyer nga shkolla, teksa një mur është shembur dhe e ka zënë poshtë. Ndërkohë në këtë ishull 19 persona kanë mbetur të plagosur, ndërsa fatkeqësisht 2 adoleshentë, një 15-vjeçare dhe një 17-vjeçar kanë ndërruar jetë.