Në periudhën e luftës së Kosovës, Adnan Aliti vendosi të emigronte në Danimarkë. 30 vitet e fundit Adnand Aliti ka punuar si gazetar dhe përkthyes për disa gjuhë ballkanike për autoritetet e Danimarkës. I ftuar në emisionin “Boeing 104.6” në Radio Travel ai ndau eksperiencën e të jetuarit në vendin e “Vikingëve”. Edhe pse është larguar prej vitesh ai nuk i ka harruar kurrë gjuhën dhe traditat e bukura shqiptare.
“Pak para se të vija në Danimark studioja në Prishtinë, por problemet e luftës më shtyn të largohem. Lufta prishi ëndrën për tú bërë inxhinier ndërtimi. Më pas takova gruan time e cila jetonte këtu dhe u zhvendosa dhe unë. Fillimi ishte i vështirë, por nëse njeriu ka një bagazh të cilin e merr me vete dhe e kultivon, ja del kudo të shkojë. Në një formë ose tjetër e gjeta rrugën time.”
Shqiptari Aliti tregon se është penduar që nuk arriti të bëhet inxhinier ndërtimi, sepse investoi katër vite studimi në këtë degë kur ishte në Prishtinë.
“Jam penduar që nuk u bëra inxhinier ndërtimi sepse studiova 4 vite për këtë degë, ishte investim i madh. Kur erdha në Danimarkë mësova gjuhën si fillim, traditat dhe më pas nisa të integrohesha. Jam marrë edhe me biznes, përveçse me gazetarinë.”
Ai tregoi se patriotizmi në familjen e tij është mjaft i theksuar.
“Patriotizimi është shumë i theksuar tek ne, e duam shqipen, e adhurojmë, ne në familje flasim shqip, fëmijët e mi flasin shqip. Djali im është doktor shkencash në Universitetin e Kopenhagen. Gjithçka e flasim shqip, por sigurisht ecim përpara”në vendin ku jetojmë.”
Adnandi përmendi se në Danimarkë ka shumë shqiptar të suksseshëm.
“Populli shqiptarë është një popull i kulturuar, dinjitoz, puntorë dhe kudo kemi arritur suksese dhe gjendemi në mënyrën më të bukur në vende të ndryshme të botës. Ne krenohemi me Ilirët, në Danimarkë krenohen me Vinkingët. Në Danimarkë ka shumë shqiptarë të integruar në Danimarkë, ka njerëz me famë botërore, futbollisti Bajram Fetahu që ka lozur me kombëtaren e Danimarkës, Riza Durmishi që sot luan për Lacion. Përmendim pronarin e restorantit “Restorant Noma”, të Rene Rexhepit me famë ndërkombëtare, krenari e madhe sepse një nga vendet që duhet vizituar patjetër në Danimarkë”.
