Dëshira e brezave të rinj në Diasporë për të mësuar gjuhën shqipe është mjaft e madhe. Falë kontributit të palodhur të bashkëatdhetarëve dëshira e shumë fëmijëve bëhet e realizushme.
Në qytetin e Argeteulit në Francë kanë nisur ditën e djeshme kurset intensive të gjuhës shqipe. Në ditën e parë fëmijë të grupmoshave të ndryshme nisën kurset intensive të gjuhës me tekstet e mundësuara nga Qendra e Botimeve për Diasporë. Sipas organizatorëve kohëzgjatje e këtij kursi do të jetë 5 ditë.
Ky do të jetë një program intensiv i cili do ti njohë fëmijët me njohuritë kryesore të gjuhës shqipe dhe pritet të zhvillohet më tej në një klasë mirëfilli të mësimit të gjuhës shqipe.
Dita e parë u zhvillua nën organizimin dhe përkujdesin e Kastriot Gjoni (president) dhe Ardit Kuqa (nën-president) dhe mësueses së gjuhës shqipe Odeta Hoxha.