Sot është festuar Dita e Kombeve të Bashkuara, në kuadër të 75 vjetorit të nënshkrimit të Kartës së Kombeve të Bashkuara, një dokument që mishëron shpresat dhe aspiratat e njerëzve në të gjithë botën.
Ditën e sotme, Koordinatorja e Përhershme e OKB në Shqipëri, Fiona McCluney, përfaqësues të agjencive të OKB-së, të Ministrisë për Europën dhe Punët e Jashtme dhe përfaqësues të Universitetit janë takuar në një format joformal me UNA Albania, me delegatët e Rinisë në OKB, aktivistë të klimës, profesionistë të rinj, studentë e gjimnazistë. 75 vjet OKB/ Vazhdon ende misioni për paqe, siguri dhe të drejtat e njeriut75 vjet OKB/ Vazhdon ende misioni për paqe, siguri dhe të drejtat e njeriut
Në fjalën e saj Fiona McCluney, Koordinatore e Përhershme e Zyrës së Kombeve të Bashkuara në Shqipëri tha se po jetojmë në kohë të jashtëzakonshme. Ajo kujtoi se e gjithë bota po lufton pandeminë Covid-19 dhe Shqipëria nuk bën përjashtim. Gjithashtu kujtoi se në Shqipëri pandemia u mbivendos pas tërmetit shkatërrues nëntorin e kaluar.
“Në këtë ditë, mesazhi im për shqiptarët është të mbështesin multilateralizmin dhe të besojnë në fuqinë e solidaritetit për të kapërcyer çdo vështirësi. Gëzuar ditëlindjen Shqipëri në 65 vjetorin e anëtarësimit në Kombet e Bashkuara!”, u shpreh McCluney.
Në një takim me temë “Është OKB-ja ime” me të rinjtë e kryeqytetit Fiona McCluney theksoi se OKB po punon prej 75 vitesh për paqen, sigurinë dhe të drejtat e njeriut. “Themeluesit vlerësuan se tre shtyllat e Kombeve të Bashkuara, paqja dhe siguria, zhvillimi dhe të drejtat e njeriut, janë njësoj të rëndësishme, të ndërlidhura dhe të ndërvarura. Nuk mund të bëjë përpara njëra, pa bërë përpara tjetra. Dhe pikërisht për këtë ka OKB-ja 75 vjet që lufton. Anëtarësimi është rritur sot nga 51 në 193 vende anëtare, duke pasqyruar ndjeshëm vendet që kanë fituan pavarësinë dhe që janë angazhuar ndaj Kombeve të Bashkuara dhe Kartës së saj si shtete sovrane. Diplomacia e heshtur dhe zhvillimi i regjimeve të kontrollit të armëve nuk e lanë lënë luftën e gjatë prej dekadash që të kthehet në një konflikt bërthamor. OKB-ja ka punuar pa pushim për të promovuar dhe për të mbrojtur të drejtat e njeriut dhe të liritë themelore për të gjithë, duke përfshirë të drejtat e barabarta të grave dhe të burrave.”
McCluney shtoi se Zyra e OKB-së në Shqipëri është në procesin e krijimit së shpejti të një Bordi Këshillimor të të Rinjve – Ai do t’i shërbejë Ekipit të OKB-së në vend si një forum këshillimi për çështjet e të rinjve në vend, duke kontribuar në të njëjtën kohë edhe në projektimin më të mirë të programeve të OKB-së me në qendër rininë.
