Komuniteti Shqiptar në Selanik në bashkëpunim me spitalin “Ahepa” në Greqi, ka shtyrë deri të dielën nismën e ndërmarrë për dhurimin e gjakut në komunitet
Në njoftimin zyrtar të Komunitetit Shqiptar në Selanik sqarohet se interesi i treguar nga bashkatdhetarët në aktivitetin e një jave më parë ka qenë i lartë, ndaj Banka e Gjakut të Komunitetit i bëri një kërkesë spitalit për të vijuar më këtë nismë edhe ditën e diel më 25 tetor.
Dhurimi i gjakut do të bëhet të shtunën dhe të dielën në qendrën e dhënies së gjakut në spitalin “Ahepa”
Për shkak të pandemisë së Covid-19, personat që do të dhurojnë gjak do tí nënshtrohen testimeve paraprake për hemotokritin dhe temperaturën, të shoqëruar me një pyetësor të detajuar.
Me këtë gjest human anëtaret e komunitetit shqiptar në Selanik ndihmojnë të gjithë ata persona që kanë nevojë për gjak, duke shpëtuar në këtë mënyrë jetën e njerëzve në nevojë.
