Shtetasit shqiptarë në Greqi, të cilëve u ka mbaruar leja e qëndrimit do të kenë mundësi ta rinovojnë atë.

Administrata e Decentralizuar në Athinë ka njoftuar të gjithë qytetarët e vendeve të treta dhe avokatët e tyre se nga dita e djeshme, e mërkurë datë 21.10.2020 do të mund të caktojnë një takim për rinovimin e lejeve të qëndrimit përmes aplikimit në platformën online në linkun https://applications.migration.gov.gr/

Kjo platformë do të jetë e disponueshme nga data 26.10.2020 deri më 31.01.2021 eksluzivisht për mbajtësit e lejeve të qëndrimit që kanë skaduar në periudhën nga 1.12.2019 deri më 30.06.2020.

Të interesuarit, pasi të regjistrohen si përdorues të aplikacionit, mund të zgjedhin opsionin për të paraqitur një kërkesë për rinovimin e lejes së qëndrimit.