Boksieri shqiptar Nuri Seferi, i njohur si ‘Tysoni Shqiptar’ më 31 tetor do të përballet në Rusi, kundër boksierit rus, Murat Gassijev.
Ndeshja do të zhvillohet në Socci. Lajmin e ka bërë të ditur vetë boksieri shqiptar në një postim në faqen e tij në Facebook.
“Të dashur miq, doja t’ju informoja që në datën 31 Tetor do të zhvilloj ndeshjen time të radhës në Rusi (Soçi). Një ndeshje shumë e vështirë edhe e planifikuar në një kohë shumë të shkurtër, për shkak edhe të situatës që po përjetojmë me Covid-19, por është një sfidë që e kam pranuar me shumë kënaqësi!
Ai gjithashtu tregon se kundërshtari i tij në ring është Murat Gassijev, një super boksier me famë botërore.
“Me shpresën për fitore, me mbështetjen tuaj morale, me punën time të palodhur edhe me ndihmën e Zotit shpresoj të kalojmë një mbrëmje të paharruar së bashku.”