Këtë të diel kanë nisur me një turne shahu “Javët e Kulturës Shqiptare” në Austri. Një organizim kulturor që do të jetë një  vendtakim i mërgimtarëve. Edhe këtë vit, janë bashkuar për të promovuar dhe për të ndjerë emocionet që iu fal arti, kultura dhe tradita shqiptare përgjatë organizimit ‘‘Javët e Kulturës Shqiptare”.

Hapja e këtij eventi disa javor daton me ditën e festës kombëtare të Austrisë 18 Tetor. U mendua që këto javë të përfshijnë tri festa kombëtare, Austri, Shqipëri, Kosovë.

Për këtë arsye javët e kulturës këtë vit do të zgjasin më shumë, pasi kishin si qëllim që të përfshinin edhe festën kombëtare të Austrisë, duke vijuar me festën e pavarësisë së Shqipërisë në nëntor dhe do të mbyllen me festën e pavarësisë së Kosovës më 17 shkurt.

Kështu është shprehur kryetarja e Këshillit Koordinues të Shoqatave Shqiptare në Austri Kaltrina Durmishi në emisionin e mëngjesit në RTV21. Durmishi ishte dhe vetë pjesëmarrëse e hapjes së eventit në ditën e sotme.

Fotot nga dita e parë janë shpërndarë nga faqa zyrtare e eventit “Albanische Kulturwochen”.

Në këto katër muajt aktivitet do të jenë të llojeve të ndryshëm. Ndër aktivitet kryesore veçohet ai i 26 tetorit, “Classic meets Ethno”, i cili do të gërshetojë muzikën klasike dhe atë etno.

Çdo aktivitet do të organizohet duke respektuar masa e sigurisë anti-covid.