Kënga e alfabetit e krijuar nga motrat Qiriazi i është kushtuar alfabetit të dalë nga Kongresi i Manastirit prej 14-22 nëntor 1908 shkruan akademiku Vaso Tole.
Ai kujton se, falë vendimeve të Kongresit u krijua një alfabet i ri, i mbështetur i tëri në alfabetin latin, shkronjat e të cilit plotësoheshin me nëntë dyshkronjësha (dh, gj, nj, sh, th, xh, zh) dhe me dy shkronja me shenja diakritike (ç, ë).
Teksti është shkruar nga Parashqevi Qiriazi. Muzika është adaptuar nga një marsh i Revolucionit francez. Kënga për herë te parë u kendua në mitingun e shkronjave në Korçë, më 14 shkurt 1910, ku u mblodhen rreth 15.000 pjesëmarrës, të cilët kërkonin shkrimin e shqipes me gërma latine. Aty, kënga u interpretua nga ‘Banda e Lirise’, themeluar në Korçë më 1 tetor 1908, me kryetar patriotin Pandeli Cale, nënshkrues i aktit te Pavarësise dhe Ministri i Bujqësise, Tregtisë dhe Industrisë më 1912”.
I.
Sot është dita shqipëtare
Të përpiqmi,
Alfabetin tonë ta mbrojmë
Shpejt o burrani
Shkronjat tona janë të arta
Këto duamë.
Ref.
Shqipëri, atdhe i dashur!
Ne s’të lëmë, ty të varfër.
II.
Armiqtë o shqipëtarë
Po përpiqenë,
Shkronjat turçe dhe gërqishte
Të na japënë,
Le t’i mbajnë ata për vehte,
Kemi tonatë.
III.
Ata duan shqipëtarë,
Ndarjen tonë,
Këtë punë shumë të kthjelltë,
E treguanë,
Ngrihuni shpejt t’u tregojmë
Se ne durojmë