Komuniteti Shqiptar në Selanik në bashkëpunim me spitalin “Ahepa” në Greqi, ka ndërmarrë një akt humanitar duke organizuar ditën e shtunë 24 tetor 2020, dhurimin e gjakut për Bankën e Gjakut të Komunitetit Shqiptar të Selanikut.
Për shkak të pandemisë së Covid-19, personat që do të dhurojnë gjak do tí nënshtrohen testimeve paraprake për hemotokritin dhe temperaturën, të shoqëruar me një pyetësor të detajuar.
Me këtë gjest human anëtaret e komunitetit shqiptar në Selanik ndihmojnë të gjithë ata persona që kanë nevojë për gjak, duke shpëtuar në këtë mënyrë jetën e njerëzve në nevojë.
