Komuniteti shqiptaro-amerikan është mobilizuar dhe po (ri)- organizohet. Këtë e ka treguar më se miri, edhe një takim i mbajtur të shtunën.
Udhëheqësi i këtij takimi, Bruno Ceka, e hapi takimin me një fjalë rasti, duke përshëndetur të gjithë pjesëmarrësit.
Bleron Baraliu, në cilësinë e moderatorit, u shpreh se :“Jemi më keq se sa mund të kishim qenë, kemi qenë shumë më të organizuar se sa jemi sot, dhe dëshirojmë të jemi edhe më mirë se sa jemi deri tani”.
Baraliu tha se për momentin nuk janë të qartë se ccfarë do të bëjnë në të ardhmen, ai theksoi se në këtë takim misioni i tij ishte moderimi dhe një nja fjalë falënderuese për kontributin e gjithësecilit.
“Nëse na pyesni se çfarë do të bëjmë, dhe se cila është kauza jonë, do t’ju gënjeja në se do t’u thoja, se nuk jemi të qartë dhe nuk e dimë se çfarë do të bëjme. Falenderoj secilin prej jush për kontributin tuaj edhe në të kaluarën , pra, për të gjitha ato çfarë keni bërë dhe bëni, duke na dhënë edhe neve një nxitje dhe shpresë se mund të bëjmë diçka së bashku dhe sa më të bashkuar.”
Komuniteti shqiptaro-amerikan tashmë, duket se është i mobilizuar dhe po (ri)- organizohet.
Këtë e ka bërë të ditur aktivisti shqiptar në Amerikë, Uk Lushi, i cili mbajti një fjalim të shkrutër lidhur me këtë (ri) organizim, ku janë përfshirë edhe disa aktivistë të dëshmuar të çështjes shqiptare në diasporë.
“Komuniteti shqiptaro-amerikan po (ri) mobilizohet. Mbrëmë, pas një takimi shumë të mirë shqiptarësh, aktivistë veteranë dhe të rinj të çështjes shqiptare, nga shtete të ndryshme të Amerikës. Ne shqiptarët kemi disa shtete, por një atdhe. Kur jemi të bashkuar gjithmonë arrijmë suksese!” tha Uk Lushi.
Më pas morën fjalën Avokat Martin Vulaj, veprimtaret Harry Bajraktari, Ilir Rusi, Richard Lukaj, Mark Gjonaj, Shpresa Xhaklli, Gëzim Rushiti,Nick Markola, Martin Shkreli,Lumi Hadri, Dr. Sulejman Çelaj, Neim Ibrahimi, dhe të tjerë.
Ndërsa, përshëndetën takimin, Kryetari I Këshillit Shqiptar Amerikan Haxhi Dauti, Ambasadorja e Republikës së Kosovës, (në largim) Vlora Çitaku, Ambasadorja e Shqipërisë, në Ëashington, Floreta Faber – Luli, dhe diplomati Frymëzim Isufaj – diplomati që deri tani ka shërbyer në Ambasadën e Kosovës në Uashington, por që thuhet se është emruar Konsull i Përgjithshëm i Republikës së Kosovës në Nju-Jork,duke zvendesuar Ambasadoren Teuta Sahatqija, që është larguar, duke marrë postin e Zv/ Ministres së Jashtme të Kosovës.
Nga Beqir Sina
