Shkolla e gjuhës shqipe “Naim Frashëri” në Patra të Greqisë çeli vitin e ri shkollor 2020-2021 në një atmosferë festive ku morën pjesë nxënës, mësues, prindër dhe të ftuar të tjerë.
Hapjen e bëri drejtori i këtij kursi Iliaz Bobaj, ndërsa kryetarja dhe mësuesja aktiviste Kristiana Veliu, përshëndeti në emër të shoqatës “Emigranti” në Patra.
Ceremonia e çeljes së vitit të ri shkollor 2020-2021 u mbyll me recitimet e fëmijëve.
Ky është viti i 13-të që shkolla “Naim Frashëri” jep mësim në gjuhën shqipe.
Qendra e Botimeve për Diasporën për vitin akademik 2020-2021 ka dërguar falas 2623 tekste shkollore dhe të mësimit plotësues për të mbështetur mësimdhënien e gjuhës dhe kulturës shqiptare në Greqi.
