Dega e Vatrës në Michigan ka zgjedhur këtë fundjavë kryetarin e saj të ri, Isuf Spahiu, si dhe President Nderi Tasim Ruko, themelues i degës së Vatrës në Tampa-Clearëater.
Bazuar në Kushtetutën e Federatës Panshqiptare të Amerikës “VATRA”, duke ndjekur të gjitha rrugët demokratike, ish kryetari dhe themeluesi i degës u dorëhoq për arsye familjare. Dega zgjodhi Tasim Rokon President Nderi ndërsa në postin e Kryetarit u zgjodh ish nën-Kryetari Isuf Spahiu. Sekretare u zgjodh Peme Kalaj dhe financiare Bajame Celibashi.
Në mbledhjen e organizuar me këtë rast u theksua edhe njëherë rëndësia e kësaj Federate shekullore, pjesëmarrja më e gjerë e komunitetit në të, si dhe anëtarsimiet e reja.
Në shkrimin e saj Peme Kalaj, publikuar në gazetën “ Dielli”, organ i Federatës Panshqiptare të Amerikës VATRA shkruan:
“Vatra e Nolit dhe e Konicës ka qenë dhe do të mbetet simboli ynë Kombëtar dhe do të punojë në ndihmë të mbarë shqiptarëve kudo që janë. Historia e saj shekullore i frymëzon shqiptarët në Amerikë të ruajnë dhe të zhvillojnë më tej traditat shqiptare.
Le tu mësojmë brezave historinë patriotike dhe të ndihmojmë që Vatra, zëri i Shqiptarëve, të dëgjohet jo vetëm në Amerikë, por kudo, edhe në vendlindje. Të kultivojmë traditat tona këtu dhe të ruajmë gjuhën e bukur shqipe., veçanërisht tek gjenerata që është e lindur këtu. Është detyra jonë që t’i tregojmë botës përmes Vatrës historinë e Kombit shqiptar dhe traditive e tona shekullore. T’u tregojmë amerikanëve kush janë shqiptarët e Shqipërisë, Kosovës, Maqedonisë dhe Mali të Zi. T’i përcjellim botës krenarinë e Gjergj Kastriotit Skënderbeut, Shenjores Nënë Tereza.
Vëmendje në takimi e organizuar u përqëndrua në adoptimin e një Kanunore bashkëkohore duke respektuar historinë tonë dhe modernizuar statutin e saj aktual e cila do t’i vij në ndihmë komunitetin mbarë kombëtar. Përkushtimi, përgjegjshmëria dhe angazhimi i vijueshmërisë së traditës do arrihet me projekte të reja të së nesërmes. Arsimimi dhe ndihma e brezit të ri do jenë një investim i madh për të ardhmen. Të punojmë të ruajmë kulturën tonë dhe të mos merremi me çështje politike të së tashmes ose të kaluarës.
Duke e mbyllur theksojmë që Vatrës i duhen antarë të drejtë, drejtues degësh të devotshëm me vizion për të ardhmen. I duhen njerëz që janë të përkushtuar për të mirën e Komunitetit dhe të Kombit. Le të suportojmë shqiptarët në Amerikë dhe Disasporë”./ Dielli, Peme Kalaj/
