Gazeta e qytetit italian të Triestes “Il Piccolo” i ka dedikuar një shkrim dirigjentes së parë shqiptare Rozmari Jorganxhi e cila ndërroi jetë më 28 shtator 2020.

Gazeta i dedikon një shkrim në rubrikën “Në memorie” ku shkruan “Lamtumirë Rozmari Jorgaxhi, mbretëresha e muzikës Bel Canto në Trieste”.

Në 1993-shin, Jorganxhi në moshën 56-vjeçare fiton audicionin dhe fillon si këngëtare profesioniste në teatrin “Giusepe Verdi” të Triestes ku këndoi për 10 vjet.

Shkrimi në gazetë nis me historinë që tregon se Trieste nuk ishte një tokë e huaj për Jorganxhi, por ishte origjina e bashkëshortit saj.

“Rozmari, mezzosoprano e njohur me origjine shqiptare u përshtat lehtësisht me kulturën dhe jetën në qytetin italian nuk hezitoi që karrierën e saj të nisur në vendlindje ta vazhdojë edhe në Trieste.”

Rozmari Jorganxhi u shua në Trieste, qytet që nuk ishte një vend i huaj për të, por vendi i origjinës së bashkëshortit saj.

Vjehrri i saj, një tregtar nga Durrësi u takua me një vajzë nga Trieste, Jolanda Argentin, me të cilën u martua dhe krijoi familje. Ata u rikthyen në Shqipëri me disa plane për të ndërtuar një biznes, por regjimi i asaj kohe nuk i lejoi dhe madje nuk lejoi as rikthimin e Trieste dhe ju desh të prisnin deri në vitin 1992 për tú rikthyer”, shkruan gazeta.