Këngëtarja shqiptare me famë ndërkombëtare, Rita Ora ka njoftuar se këngët e saj kanë arritur të dëgjohen katër miliardë herë në platformën e muzikës, Spotify.

Këngëtarja lajmin e ka bërë të ditur në rrjetin social Twitter. 29- vjeçarja ka falenderuar fansat e saj për mbështetjen që i kanë dhënë asaj deri më tani.

“Kur e mora vesh që ju dëgjuat muzikën time mbi katër miliardë herë në Spotify! Faleminderit të gjithëve shumë, mezi po pres që t’ju shoh përsëri në shfaqje së shpejti dhe t’ju tregoj se çfarë jemi duke përgatitur për ju”, ka shkruar Rita Ora në Twitter.

Kënga e fundit të cilën Rita Ora e ka lançuar është ajo e marsit të këtij viti ‘How to be lonely’, por tashmë po punon për këngë të reja, si dhe siç është bërë e ditur ka nisur përgatitjet për një album të tretë.