Fëmijët e komunitetit shqiptar në qytetin Iraklio dhe në mbarë Kretën do të kenë mundësi të ndjekin klasat e gjuhës shqipe online. Për shkak të kushteve të krijuara nga Covid-19, mësimi do të zhvillohet online. Mësimi është vendosur të nis më 1 nëntor 2020.

Mësues në Iraklio, Kretë, me përvojë në fushën e mësimdhënies, do të japin falas mësim ndërmjet lidhjeve në internet.  “Falë metodave bashkëkohore të mësimdhënies, fëmijët tuaj kanë për ta mësuar shumë shpejt gjuhën shqipe”, shkruhet në njoftimin e Komunitetit Shqiptarë në Kretë.

Kontakti i parë do të bëhet ndërmjet faqes së Facebook “Komuniteti Shqiptar Iraklio Krete “Fryme Atdheu”” dhe në vazhdim me mësuesit ndërmjet telefonit dhe fizikisht, për ata fëmijë që jetojnë në të njëjtin qytet me mësuesit, do të komunikojnë dhe do bëhet njohja me prindërit dhe fëmijët si edhe do jepen librat e gjuhës shqipe, për të vijuar më pas me mësimin online.