Hatije Ismaili është shqiptarja që është shpallur mjekja më e mirë në Slloveni. Një çmim mjaft i rëndësishëm atje, pasi është zgjedhur nga vetë pacientët.
Në një lidhje direkte me emisionin “ABC e Mëngjesit’”, ajo ka treguar emocionet e marrjes së këtij çmimi.
Ismaili ka rrëfyes se gazeta mjekësore “Viva” bën nominimin në bazë të pacientëve dhe më pas zgjidhen mjekët sipas fushës. “Edhe unë u zgjodha si gjinekologia më e mirë, si dhe më pas mjekja më e mirë. Këtu janë të përfshirë të gjithë mjekët e Sllovenisë dhe më zgjodhën mua si gjinekologen më të mirë. Të them të drejtën unë nuk kam punuar asnjëherë për ndonjë çmim, por u ndjeva mirë. Sepse më zgjodhën vetë pacientët. Atë ditë që kishim nominimet, mbas ceremonisë erdha në punë”, tha mjekja. Më pas ajo shtoi: “Gjatë këtyre 24 orëve të fundit nuk kishim shumë lindje, në spitalin tonë ka shumë lindje, kështu që i bie 3 deri në 4 lindje në ditë. Por varet nga dita ka 9, 1, nuk ka fare
Kur isha në specializim, këtu na mundësojnë të shkojmë në shtetet e jashtme që të shohim si shkon puna aty. Unë zgjodha Shqipërinë dhe shkova në vitin 2007 në spitalin “Mbretëresha Geraldinë” dhe takova kolegët e mit të cilët gjej rastin ti përshëndes. Për mua ishte hera e parë në Shqipëri, pasi jam nga Maqedonia. Prindërit e mi kanë punuar në një shëtitore, unë si fëmijë kam vajtur në Slloveni dhe e kisha pak më të lehtë gjuhën dhe kur shkova për studimet e kisha pak më lehtë”.
