Dhoma e Tregtisë së Thesprotisë ka ripërsëritur kërkesën e saj nda qeverisë greke për rikthimin në funksionim të Doganës së Mavromatit (Qafë Botës). Në një kërkesë të re të paraqitur dje dhoma kërkon praninë e strukturave EODY që do të kryejnë kontrollet e duhura, duke lejuar hyrjen vetëm për ata që nuk paraqesin rrezik të transmetimit të koronavirusit.

Në letrën drejtuar ministrive përkatëse, Dhoma thekson se “Megjithëse mbyllja e vendit mund të ndikojë në rritjen e mbrojtjes së shëndetit publik, ajo gjithashtu shkatërron financiarisht komunitetin lokal.

“Veçanërisht gjatë periudhës së vjeshtës – thuhet në letër – ekziston një nevojë në rritje për të lëvizur punëtorët në sektorin bujqësorë nga Shqipëria për të mbledhur rreth 50,000 tonë mandarina në këtë zonë.”