Kompania Marlotex shpk, në bashkëpunim me Dhomën e Biznesit të Diasporës Shqiptare ka vijuar sot me dhurimin e maskave tekstile për nxënësit dhe mësuesit në disa shkolla në Tiranë në kuadër të parandalimit ndaj përhapjes së pandemisë Covid-19.
Gjatë ditës së sotme u shpërndanë maska në shkollën “Vasil Shanto”, “26 Nëntori” dhe “Murat Toptani” në Tiranë. Disa ditë më parë nisma nisi në shkollën “Edit Durham” në Tiranë ku Marlotex në bashkëpunim dhe Dhomën e Biznesit të Diasporës Shqiptare dhuruan 720 maska tekstile.
Në ditët në vijim nisma do të vazhdojë në shkolla , për të vijuar më tej në shkolla të ndryshme të Shqipërisë.
Kjo iniciativë vjen si një mbështetje e sipërmarrësve shqiptarë të Diasporës për të kontribuar në shkëputjen e zinxhirit Covid-19.
