Historia emigrimit e Arsida Çerpjas në Piacenza të Italisë ngjan me atë të shumë shqiptarëve të tjerë, të cilët me vështirësi dhe peripecitë e fillimit, më pas ja dolën të përshtaten e të bëhen pjesë e shoqërisë në një vend të huaj. Por Arsida luftoi për më shumë, ajo zgjodhi shkollat më të mira dhe beri gjithçka për të  realizuar ëndrrën e saj për të krijuar një markë kozmetike që mban firmën e saj. Ajo që e bën më të veçantë historinë është se Arsida krijoi brandin e parë kozmetikë në gjuhën shqipe, duke sjellë gjithashtu një paletë make-up të gjithën në shqip, gjë që mesa duket ja shtoi suksesin 30-vjeçares shqiptare.

Arsida cila ë shtë  historia juaj? Kur emigruat në Itali dhe si u gjendët në një shtet të huaj?

Në Itali jemi transferuar familjarisht në 2003. Fillimi ka qenë shumë i vështirë, por për fat të mirë babai im kishte shkuar para dhe na kishte gjetur shtëpinë dhe shkollën. Sapo arritëm në tetor filluam jetën normale. E ndjeja shumë diferencën dhe mallin, por me kalimin e kohës u bëmë gjithmonë e më shumë pjesë e shoqërisë.

A ishte e vështirë përshtatja?

Unë dhe vëllai kishim mësuar pak italisht dhe përkthenim në supermarket apo për gjëra që kishin lidhje me dokumentat mamit dhe babit. Pjesa e gjuhës nuk ka qenë shumë e vështirë, ndërsa për tu përshtatur me kulturën dhe mënyrën e mendimit na janë dashur vite.

Keni studiuar në Itali, në cilin qytet konretisht?

Kam bërë dy shkolla, Akademinë e Estetikës 3 vjet, të cilë n e kam filluar në Piacenza dhe kam mbaruar në Milano tek BCM, që konsiderohet shkolla elitare e Bukurisë në Itali. Në të njëjtën periudhë kam bërë dhe të lartën për International Managament, tek “Università Cattolica del Sacro Cuore” në filialin e Piacenzës.

Ju jeni themeluesja e revistës kozmetike dhe brandit të parë të makeup-it në gjuhën shqipe. Si erdhi kjo ide dhe sa punë ju desh për të arritur deri këtu?

Historia ime në fushën e kozmetikës është e gjatë, tashmë ka 10 vjet . E kam filluar me marken Selen, më pas doja të profesionalizohesha dhe kam Krijuar Eliflamin, një brand i prodhuar në Itali akoma më profesional. Pasi krijova Eliflamin impenjimet në jetën time personale u rritën, kisha krijuar një familje, isha në pritje të një fëmije dhe nuk kisha mjaftueshëm kapital për ta hedhur në treg siç duhej. Për këto motive vendosa t’i shisja produktet stock siç i kisha krijuar dhe në atë moment mendova se e kisha mbyllur me kozmetikën. Ndonëse isha dedikuar komplet famlijes dhe ndihmoja bashkë shortin në bizneset e tij unë vazhdoja të lexoja çdo dite dhe të zbuloja fabrika prodhimi, pa pasur një ide se çfarë do të bëja me këto informacione. Në tetor të 2018 vendosa të Krijoj Revistën Kozmetike, për të pasur mundësi të jepja të gjitha informacionet që kisha mbledhur. Doja një portal që shërbente për informacione korrekte, që suportonte komunitetin Beauty në Shqipëri, i cili ishte thuajse inegzistent atëherë. Më pas duke qenë gjithmonë afër kozmetikës dhe pasionit tim gjatë periudhë s së karantinës fillova të reflektoja dhe mendova se kishte ardhur momenti të merrja kurajon të sillja serish Selen në jetë.

Përse zgjodhët që paletat e make-up të ishin shqip?

Selen është frut i kërkimeve dhe studimeve të shumta. Asnjëherë nuk kam pasur interes të importoja një brand të famshëm, por doja të krijoja një të tillë. Doja të sillja një brand shqiptar që të ishte në nivelin e atyre botërorë, por që kishte identitetin tonë. Gjithmonë kur blija një paletë imagjinoja si mund të tingollte në shqip një emërtim, ose si do ta kisha quajtur në shqip një ngjyrë të caktuar. Ndaj për mua ishte shumë natyrale të zgjidhja emra në të cilat vajza shqiptare do të gjenin copë za kujtimesh, parfume apo emocione. A ka shqiptarë që kur lexon “Ska drita” nuk i kujtohet diçka?

Në Itali mund të përmendni disa bashkëpunime të suksesshme?

Kam bashkëpunuar me fabrika shumë të rëndë sishme, të cilat prodhojnë për markat e kozmetikës më të njohura botërore.

Produktet tua i shisni dhe për bashkëatdhetarët?

Aktualisht produktet shiten në ëeb-in tonë kozmobeauty.al për të gjithëpersonat që i dëshirojnë. Po krijoj një platformë që të funksionojë si brandet e huaja. Kemi shumë vajza që blejnë nga jashtë si Gjermania, Anglia, Franca dhe Italia. Gjej rastin t’i falenderoj për suportin, pasi ato mund të kenë çdo brand të famshëm, por zgjedhin një kompani Shqiptare.

Tashmë jeni kthyer në Shqipëri. Pse e morët këtë vendim?

Së bashku me tim shoq ndjenim dëshirën për të lëvizur nga Piacenza, Shqipëria kishte ngelur në kujtimet tona dhe e idealizonim gjithë vitin për ta jetuar 3 javë në gusht. Menduam se ishte e drejtë të kalonim një periudhe jetese dhe ta shihnim realisht nëse mund të ndërtonim një të ardhme këtu.

A jeni e kënaqur, mendoni se rikthimi ka qenë vendimi i duhur?

Jemi këtu prej pak muajsh, me pandeminë në mes është e vështirë të japësh një mendim përfundimtar. Por ne këtu ndjehemi mirë, vajza po mëson dhe shqipen, unë bëj punë n time të ë ndrrave dhe gjithë këto gjëra na bëjnë t’i kalojmë ato vështirësitë e vogla që ka transferimi në Shqipëri. Italia mbetet një vend i rëndësishëm për ne, por për momentin këtu jemi shumë të kënaqur.

*Ndalohet kopjimi, riprodhimi dhe publikimi i materialit pa cituar burimin “Diaspora Shqiptare”.