Me kontraste të ndryshme natyrore, liqene, male të larta, lumenj, lugina, dete, kjo është panorama që ofron Shqipëria për çdo turist të huaj që dëshiron të eksplorojë një vend të pasur me bukuri të egra dhe natyrë të virgjër.
Një vend i vogël mesdhetar ku gërshetohen bukuritë e rralla natyrore me trashëgiminë kulturore dhe historike. Të gjitha këto shoqërohen nga tradita mikpritëse e shqiptarëve e njohur në mbarë botën, që i bën turistët të ndihen si në shtëpinë e tyre.
Sezoni turistik i këtij viti duke u lidhur edhe nga pandemia shkaktuar si pasoje e koronavirusit, nxorri në pah edhe më tepër bukuritë Shqiptare. Shumë personazhe të njohur të eksranit u kthyen edhe ‘ambasador’’ të denjë për turizmin, ku promovuan vlerat tona Shqiptare.
Mes tyre kemi edhe dy ambasadoret e dashura për shqiptarët, Ambasadoren e Shteteve të Bashkuara të Amerikës si edhe Ambasadoren e Suedisë të cilat po promovojnë bukuritë Shqiptare në rrjetet e tyre sociale.
Ambasadorja e SHBA, Yuri Kim, dhe ajo e Suedisë Elsa Hastad, nuk lënë fundjavë pa udhëtuar, treguar e promovuar Shqipërinë. Nga detet e mrekullueshme, tek liqenet, alpet, bujtinat e vendet e bukura të Shqipërisë, të dy ambasadoret duket se janë të apasionuara pas vendit tonë.
Edhe më herët Yuri Kim ka postuar në rrjetet sociale inpresionet dhe emocionet e marra nga vizita në Rivierën Shqiptare, apo edhe në Shkodër, ku ka shijuar jo vetëm peizazhin por edhe gatimet tradicionale shqiptare.
Së fundmi Kim dhe Hastad kanë qenë së bashku në Theth, e zonat përreth, ku kanë ndarë me ndjekësit e tyre udhëtimin e mrekullueshëm, që duket se e kanë shijuar shumë. IntoAlbania
