Në raportin e përditësuar të klimës së investimeve në vendin tonë, Departamenti Amerikan i Shtetit (DASH) merr në analizë gjerësisht edhe sektorin bankra në vendin tonë. Në raport thuhet se, sistemi bankar në vend është i mirëkapitalizuar, i qëndrueshëm dhe likuid. Norma e lartë e kredive jo performuese ka qenë një problem më parë, por se tashmë i ka hyrë trendit rënës, thotë më tej Departamenti Amerikan i Shtetit.

Për këtë, meritat kryesore i merr Banka e Shqipërisë dhe politikat që ka ndërmarrë autoriteti i politikave monetare në këtë drejtim gjatë viteve të fundit. Ndër të tjera. Dash radhit edhe bankat më të mëdha në vend, ku BKT është e para ,me 27% të tregut, Raiffeisen në vend të dytë me 15% dhe Credins Bank në vend të tretë më 14.8%. “Sektori bankar shqiptar e ka kaluar krizën financiare globale më mirë se të gjithë fqinjët e tjerë, kryesisht si pasojë e ekspozimit të kufizuar ndaj tregjeve të huaja të kapitalit si dhe mungesës së fluskës vendase në tregun e pasurive të paluajtshme.

Norma e mjaftueshmërisë së kapitalit vlerësohet si përtej kërkesave të Baselit me asete të mjaftueshme. Ndër të tjera, raporti thotë se, shumica e bankave që operojnë ne vendin tonë janë degë të bankave të huaja, me vetëm 3 banka që kanë pronësi shqiptare, ku nënvizon edhe faktin se bankat shqiptare kanë rritur prezencën në treg gjatë viteve të fundit si rrjedhojë e procesit të konsolidimit të sektorit. Scan