Banka e Shqipërisë ka njoftuar edhe këtë vit mbajtjen e konkursit “Çmimi i Guvernatorit për Diplomën më të Mirë për vitin 2020”. Një konkurs ky i dedikuar për studentët shqiptarë të diplomuar gjatë periudhës tetor 2019 – tetor 2020, brenda dhe jashtë vendit.
Në njoftimin zyrtar Banka e Shqipërisë fton të gjithë studentët të dërgojnë punët shkencore që trajtojnë një nga çështjet e ekonomiksit monetar e ndërkombëtar, stabilitetit financiar, çështje të integrimit ekonomik të vendeve të Ballkanit në Evropë, politika monetare dhe politikat makroprudenciale të Bankës së Shqipërisë, politika fiskale dhe roli i tyre në ekonomi, sistemi bankar shqiptar, sjelljet e individëve dhe firmave në Shqipëri, si dhe aspekte të ekonomisë në përgjithësi.
Të gjithë studentët që dëshirojnë të marrin pjesë në këtë konkurs mund të dërgojnë punimet e tyre deri në datën 21 tetor 2020.
Banka e Shqipërisë e ka vendosur dhe e jep këtë Çmim që prej vitit 2006.
Për mënyrën e aplikimit dhe detaje të tjera mund të lexoni këtu:
