Mbyllja e kufirit dhe masat e distancimit social kanë shtyrë edhe miratimin e vizave për partner brenda dhe jashtë Australisë, sipas institutit Australian për emigracionin vetëm gjysma e vizave të dorëzuara vitin që kaloi u miratuan këtë vit.

Megy Tafey e cila është avokate dhe agjente emigracioni thotë se për momentin vizat për partner po marrin më shumë se 18 muaj për t’u finalizuar.

Edhe para periudhës së Covid duhej një kohë shumë e madhe që diçka e tillë të finalizohej, por që me fillimin e pandemisë shqyrtimi i kërkesave është pezulluar krejtësisht.

Departamenti i emigracionit në faqen e tij thotë se këtë vit vizat marri 21 deri në 28 muaj që nga koha e dorëzimit e deri në marrjen e vendimit.

Në shumë raste kjo periudhë është edhe më e gjatë.

Numri i kërkesave të finalizuar për këtë vit është gati sa gjysma e atyre që janë miratuar vitin që kaloi.

Sipas deklaratave të ministrit këtë vit u miratuan vetëm 40 000 viza për partner ndërkohë që në radhë janë më shumë se 85 000. Kjo do të thotë se edhe nëse kërkesa është e plotë dhe pa asnjë dokument mangët, përsëri periudha e pritjes është 2 vjet.

Për t’u futur në Australi është shumë e vështirë.

Për ata që kanë viza paramartesore ekziston frika qe leja nuk do të jepet automatikisht, është situatë e vështirë edhe për ata që janë të martuar, kjo sepse kërkesa shqyrtohet në mënyrë të veçantë. Ky grup ka një numër të madh personash që vazhdojnë të presin për të ardhur në Australi.

Por edhe ata që kanë bërë kërkesë brenda Australisë nuk e kanë të lehtë.

Lucciano që është nga Peruja dhe ka bashkëshorten Australiane ka 5 vite që akoma nuk e ka marrë vizën.