Muaji shtator në Zvicër do ti dedikohet kinemasë së Kosovës, ku përgjatë fundjavave janë parashikuar një sërë projeksionesh të kineastëve nga Kosova dhe nga Diaspora. Sipas njoftimit të Ambasadës së Kosovës në Bernë aktiviteti organizohet nga “Kulturalink” dhe “Kino In Der Reitschule”.

Sabahet Meta një artist kosovar tejet kreativ dhe me një vullnet dhe përkushtim të jashtëzakonshëm për të promovuar kulturën përmes industrisë së filmit të Kosovës, fal bashkëpunimit me “Kino in der Reitschule” dhe Qendrën Kinematografike të Kosovës (QKK) ka arritur të realizoj këtë aktivitet të filmave nga Kosova. Projeksionet do të përfshijnë filma që trajtojnë aspekte të ndryshme të shoqërisë në Kosovë dhe Evropë, siç janë migracioni, rolet gjinore, etj.

Shoqëria është e reflektuar në filma dhe nga ana tjetër, filmat ndikojnë në shoqëri nga ndryshimet në përfaqësime dhe duke shndërruar mendimet e shikuesve. Filmat janë përzgjedhur për potencialin e tyre për të pasqyruar luftërat dhe dëshirat e një kombi të ri të vendosur në kufijtë gjeografikë dhe politikë të Evropës.

Një qëllim i rëndësishëm i këtij projekti është të ftojë regjisorët në shfaqje, duke u dhënë atyre mundësinë për të dhënë pasqyrë të mëtejshme në punën e tyre dhe të bashkëveprojnë me audiencën.

Filmat do të shfaqen çdo të premte dhe të shtunë. Shumica e filmave do të jenë në gjuhën shqipe/gjermane të titruar në gjuhën angleze.

Sipas programit të publikuar në datë 4 shtator ora 20:00 do të shfaqen filmat:

“Sanl le Kosovo”

“Toni dhe Bleri”

Më datë 5 shtator ora 20:00:

“Zvicra”

Më datë 11 shtator ora 20:00:

“Me dasht’ Me dasht’ Me Dasht'”

Më datë 12 shtator ora 20:00

“Nëntori i ftohtë”

Më datë 18 shtator ora 20:00

“Trapped By Law”

Më datë 19 shtator ora 20:00

“Never Back Home”

Më datë 25 shtator ora 20:00

“Pick a name”, “Ajo”, “Bonu Burrë”

Më datë 26 shtator, ora 20:00 është edhe filmi i fundit “Zana”.