Gazetarja dhe shkrimtarja Bianca Folino ka intervistuar poeten shqiptare Irma Kurti për revistën “Kukaos Magazine” të Agjensisë Letrare “ PlaceBook Publishing & Writer Agency ”, ku autorja ka rrëfyer për pasonin për të shkruar që kur ishte fëmijë, për ndihmën dhe mbështetjen që ka patur nga prindërit, vlerësimet si dhe planet krijuese në të ardhmen.
Me lexuesit italianë Kurti ndan gjithashtu vlerësimin e saj më të fundit me çmim të parë në Konkursin Letrar Ndërkombëtar Universum Switzerland 2020, për librin me poezi “In una stanza con i ricordi”(Në një dhomë me kujtimet).
“Për Irma Kurtin- shkruhet në komentin e gazetares Folino, – fjala ka qenë fener i jetës,duke shkruar teste të shumtë poetikë, në prozë dhe në këngë”.
Irma Kurti ka botuar njëzet libra në gjuhën shqipe, 12 në gjuhën italiane dhe katër në anglisht. Është përkthyer dhe në gjuhë të tjera.
Së fundmi ajo është nderuar me titullin “Akademike dhe Presidente Nderi” e Enciklopedisë Poetike Wikipoesia, krijuar në Itali në mars të 2019 me rastin e Ditës Botërore të Poezisë. Në Presidencën e Nderit pranohen deri në dhjetë personalitete në fushën e poezisë. Wikipoesia përshkruhet nga media e shkruar si “Wikipedia e poezisë”.
