Disa çiklistë në Itali kishin vendosur që të bënin një tur nga Itali në Shqipëri në shenjë falënderimi për mjekët shqiptar që shërbyen në spitalin e Brescias një luftën kundër Covid-19.
Por, zgjatja e pandemisë e bëri të pamundur këtë gjë dhe ata kanë vendosur që turin ta nisin në Conegliano, Veneto dhe ta përfundojnë tek ambasada shqiptare në Romë.
Një ekip i përbërë nga: Andrea Miozzo, Pieve di Soligo, Andrea Michelet nga Conegliano, Andrea Dal Col nga Vittorio Veneto, Alessandto Sanson nga Susegana, Elio Montinaro dhe nga Giuseppe Macchia Quinto, Treviso, u nisën në turin e quajtur “Itali-Shqipëri”, një udhëtim që do të përfundojë në 23 gusht në Romë, në ambasadën shqiptare në Itali.
Në Conegliano, u mbajt një ceremoni e shkurtër në prani të kryetarit të Komunës Conegliano, Fabio Chies.
Para se të mbërrijnë në Romë, çiklistët do të ndalen në spitalin e Brescia, ku mjekët shqiptarë shërbenin gjatë gjithë bllokimit.
Ndërsa në kryeqytet fillimisht ata do të ndalen në selinë e Mbrojtjes Civile Kombëtare në Romë për të dorëzuar paratë e mbledhura falë bujarisë së shumë ndërmarrësve të Treviso.
Për t’i mirëpritur ata do të jetë Agostino Miozzo, koordinator i komitetit teknik shkencor për emergjencën Covid-19 i cili do të shoqërojë çiklistët nga Treviso në ambasadën shqiptare ku do të zhvillohet takimi me ambasadorin Anila Bitri Lani për të cilin çiklistët do të sjellin falënderimet e tyre.
