Ambasada gjermane me anë të një njoftimi ka bërë me dije se në mbështetje të programit ProSEED të financuar nga qeveria federale gjermane dhe në bashkëpunim me Dhomën Gjermane të Tregtisë dhe Industrisë në Shqipëri u eksportuan në Gjermani 100.000 veshje mbrojtëse të prodhuara nga kompani të tekstilit në Shqipëri.

Veshjet mbrojtëse që janë dërguar drejt Gjermanisë do të përdoren kryesisht për qëllime mjekësore.

Njoftimi i Ambasadës:

Së bashku kundër koronavirusit – mbështetje për industrinë shqiptare të tekstilit +++

Pandemia e koronavirus ka goditur industri të shumta në mbarë botën, përfshirë industrinë e tekstilit në Shqipëri.
Me iniciativë dhe mbështetje të programit ProSEED të financuar nga qeveria federale gjermane dhe në bashkëpunim me Dhomën Gjermane të Tregtisë dhe Industrisë në Shqipëri u eksportuan në Gjermani 100.000 veshjet e para mbrojtëse të prodhuara nga kompani të tekstilit në Shqipëri. Veshjet mbrojtëse do përdoren kryesisht për qëllime mjekësore.