Futbollisti shqiptar Besart Berisha duket se ka arritur formën e tij më të mirë, teksa po shkëlqen me skuadrën e Uestern Junajtid në Australi.

Para 3 ditëve shqiptari shënonte dopietë për skuadrën e tij ndaj Perth Glori, duke marrë kështu 3 pikët. Megjithatë Berisha nuk ka ndërmend të ndalet, teksa ka gjetur përsëri rrugën e rrjetës ditën e sotme.

Sulmuesi ka shenuar përsëri sot ndaj kryesuesve të Sidneit dhe shkon në kuotën e 19 golave për këtë sezon, 1 më pak se golashënuesi më i mirë Maklaren.

Besart Berisha u transferua nga skuadra gjermane “Arminia Bilefield” tek “Brisbane Roar”e në vitin 2011 dhe për katër vite ai u stolis dy herë kampion i Australisë para se të kalojë në radhët e skuadrës së “Melbourne Victory” me të cilën po ashtu fiton dy kampionate. Në vitin 2018 Berisha lë Australinë për një sezon duke sfiduar karrierën e tij në Japoni me skuadrën “Sunfrecce Hiroshima” dhe kthehet përsëri në Australi vitin 2019 duke u bërë pjesë e skuadrës së re “Western United”.

Me 129 gola Besart Berisha është gol shënuesi më i mirë i Australisë dhe duke marrë parasysh formën e tij momentale ka mundësi që ky rekord të mbetet i pa thyer edhe për shumë vite.

Berisha ka luajtur me Kombëtaren shqiptare në 17 ndeshje ndërsa në vitin 2017 ai u bë pjesë edhe i përfaqësueses së Kosovës.