Drejtori Sportiv i ekipit të Lacios, Igli Tare, edhe pse ditët e fundit ka qenë aktiv në merkaton italiane duke afruar disa lojtarë t’i bashkohen ekipit italian, ka gjetur kohë për të bërë edhe pushime, madje ka vendosur që ti kalojë në Shqipëri.

Tare ndodhet në Jug të Shqipërisë, ku çdo verë shkon në Nivicë, në vendin e origjinës.

Ka qenë gazetari Dritan Shakohoxha ai që ka publikuar foto me Taren, në një jaht në Palasë, dhe shkruan se ai pushon në Shqipëri dhe u bën thirrje të gjithëve që të vijnë këtu.

“Ervin Fakaj, Igli Tare, Geri Çipi, Shkumbin Qormemeti #unepushojneshqiperi #visitalbania #smilealbania, Palasë, Vlorë, Albania”, shkruan Shakohoxha.

“Pusho në Shqipëri”, shkruan Shakohoxha duke promovuar në këtë mënyrë bukuritë e bregdetit shqiptar.

Tare filloi karrierën e tij profesionale në vitin 1996 me “Karlsruhe” në Gjermani, ku ai qëndroi deri në vitin 1997 para se të transferohej tek Fortuna Düsseldorf në Bundesliga 2.

Në vitin 1999, Tare u zhvendos në “Kaiserslautern”, ku luajti për një sezon para se të transferohej tek Brescia.

Ai luajti tek Brescia plot pesë sezoni dhe ishte një nga lojtarët e preferuar të trajnerit Mazzoni i cili pas kalimit tek Bolognia e merr sërish me vete.

Pas rënies së Bolognia nga kategoria ai transferohet në kryeqytet tek Lacio ku luajti nga viti 2005 deri në vitin 2008.

Pasi la futbollin ai merr rol drejtues tek Lacio dhe nga viti 2009 është drejtori sportiv i klubit, duke bërë një punë fantastike.

Tare ka luajtur më kombëtaren shqiptare 68 takime dhe ka shënuar 10 gola.