Ardian Deli, 25 vjeçari shqiptar i cili është pilot dhe jeton në Norvegji sapo ka përfunduar me sukses edhe trajnimin për instruktor.
Ardiani studimet i mbaroi (Airline transport pilot liçense) ATPL në Norvegji, ku më pastaj u shpërngul në Hungari ku edhe u pajis me liçencën e parë private në moshën 23 vjeçare.
Ai nuk e lë me aq dhe vazhdon të fitojë përvojë duke drejtuar aeroplanë të ndryshëm në Hungari ( ka drejtuar 6 aeroplanë të ndryshëm, një motorësh) e cila më vonë do ti nevojiten në liçencimin komercial të tij në Poloni.
Ardiani gjithashtu punon edhe në sallonin e makinave elektrike, Tesla, në sektorin e dorëzimit.
Qëllimi i tij është të ndërthurë punën e instruktorit të fluturimit pranë kompanisë Tesla, derisa të marr një punë në një kompani ajrore komerciale.
Kjo arritje e Ardian i bën krenar të gjithë shqiptarët kudo që ndodhen dhe pse jo, shpresojmë që në të ardhmen të kemi një pilot shqiptar të suksesshëm në kompanitë me famë botërore.