Shumë mërgimtarë mbeten me mallin e pashuar, ata që me shumë dashuri i kanë kaluar pushimet e tyre çdo verë në Shqipëri e posaçërisht në Durrës, për të qenë edhe në valët e detit të tyre por edhe afër familjarëve të tyre nga Kosova, apo afër destinacionit të dasmave.

Shumica e tyre këtë verë 2020 ikën në plazhet e huaja, por me mallin e atdheut në zemër.

Por ka edhe shumë prej tyre që mallin nuk e mposhtën dot, dhe pavarësisht rekomandimeve të vendeve ku jetojnë zgjodhën të pushonin edhe këtë vit në plazhet shqiptare. Ata janë të kënaqur me pushimet, si gjithmonë. Por kësaj here diçka ishte ndryshe……

Pandemia ka ndryshuar gjithçka.

Kudo sheh masa për parandalimin e shpërhapjes së virusit.

Dezinfektimi nëpër hotele bëhet me përkushtim të madh.

Dezinfektohet çdo pëllëmbë, çdo karrige, çdo derë e dritare .

Përcillet situata në suaza të larta e morale.

Kamarierët shërbejnë me maska.

Pastërtia në nivele të larta.

Masat e mbrojtjes respektohen me dinjitet por nuk llomotitet shumë për Covid-19.

Ka edhe shumë turistë të huaj në plazhet tona, megjithë pandeminë, ata kanë zgjedhur sërish të vijnë .

Mikpritja edhe vallezërore edhe bujare.

Flitet nëpër porte e aeroporte të huaja se nuk është e hapur për turizëm Shqipëria por për shumë shqiptarë e turistë Shqipëria është shtëpia.

E rrugën drejt shtëpisë nuk e ndal dot asnjë lloj i pandemisë.

Mirësevini në valët e freskëta të plazheve të Shqipërisë.

Durrës, gusht 2020