Shakhtar Donetsk është skuadra që do të plotësojë katërshen gjysmëfinaliste të Europa League, pasi ia doli të eliminojë në çerekfinale zviceranët e Baselit të Taulant Xhakës, në një ndeshje të dominuar dhe të fituar me meritë me shifrat 4-1.
Ukrainasit e nisën vrullshëm sfidën dhe zhbllokuan sfidën që në minutën e dytë me anë të Moraes, që shfrytëzoi një dalje të gabuar të portierit të Baselit, gjatë një goditjeje nga këndi dhe arriti të dërgojë sferën në rrjetë.
Zviceranët u përpoqën të reagojnë, por pa arritur të shfaqen rrezikshëm në zonën kundërshtare, ndërsa në minutën e 22-të ishte Taison që u shërbye nga Marlos dhe gjuajti drejt portës, duke shënuar edhe golin e dytë, i ndihmuar nga një devijim vendimtar i Frei.
Ndryshe, Xhaka është pjesë e kombëtares shqiptare që prej viti 2014 me të cilën ka zhvilluar 31 ndeshje dhe ka shënuar një gol.
Ai është vëllai i madh i Granit Xhakës i cili luan me Arsenal dhe përfaqëson kombëtaren e Zvicrës.
29-vjeçari shqiptar është pjesë e Basel që prej viti 2010. Në këtë takim Xhaka nuk ishte i vetmi shqiptar që luaj në këtë takim pasi në pjesën e dytë u aktivizua edhe Kemal Ademi, teksa në stol ishin edhe Orges Bunjaku, Elis Isufi, Tician Tushi dhe Lirik Vishi.