Boksieri amerikan, Majk Tajson ose siç njihet ndryshe “njeriu i hekurt” me një gjest të bërë së fundmi, ka bërë krenarë shumë shqiptarë.

Mjeku shqiptar në Amerikë, Marjo Ademaj, së fundmi ka pasur mundësinë të takojë boksierin e famshëm Majk Tajson dhe sigurisht nuk mund të rrinte pa e bërë një foto me të.

Megjithatë mënyra e fotos ka qenë e veçantë, pasi Marjo Ademaj dhe Majk Tajson bëjnë shqiponjën me dy krena.

Një moment krenarie ky për të gjithë shqiptarët, që një njeri kaq i famshëm të bëjë shqiponjën dhe me siguri mjeku do i ketë thënë ndonjë fjalë të mirë për Shqipërinë.

Mario Ademaj është mjek shqiptar, i cili punon në SHBA. Ai është larguar nga vendi që në moshën 7-vjeçare.

Doktor Mario Ademaj është trajnuar në UCLA, në Kaliforni. Tani punon në Çikago, në një klinikë ku zhvillohen teste dhe trajtime për pacientët e prekur nga COVID-19. Mario është president i “Albanian International Medical Team”, ekip vullnetarësh, mjekë dhe infermierë, që çdo vit ndërtojnë klinika dhe ofrojnë shërbime mjekësore falas në Shqipëri dhe Kosovë, prej 5 vitesh.